Vi saksar elles frå brevet frå fondet:

Minner om søknadsfristen til Akademifondet 31. mars

Har du / de aktuelle prosjekt for Akademifondet 2004? Då er det på tide å starte på prosjektskildring og søknad.

Det er ikkje svært store midlar og rentenedgangen gjer at det i år gjerne samla er i underkant av 50.000 kr å fordele.

Etter som aktiv bruk av E-post har gjort fondet meir kjent har talet søknader auka sterkt dei siste åra. Styret drøfta dette ved handsaminga av søknadane i 2003 og gjorde følgjande samrøystes vedtak:

Det er bra at mange har blitt merksame på fondet som ein stad å søkje tilskott til folkeleg kulturarbeid. Men med så stor søknadsmengd har styret funne det naudsynt å setje opp nokre utfyllande prinsipp i høve til vedtektene når det skal prioriterast mellom søkjarane:

1. Lokal ideell kulturaktivitet framfor sentrale prosjekt i organisasjonane. Tiltak for barn og særleg ungdom framfor tiltak for vaksne.

2. Tiltak i regi av medlemslag i eigarorganisasjonane i fondet (NU, NM og NfL i Telemark framfor andre organisasjonar og einskildpersonar.

3. Det ideelle framfor næringstiltak.

4. Nye prosjekt / oppstart framfor vanleg drift / aktivitet.

5. Fondet gir ikkje tilskott til investeringar i bygg og kontorteknisk utstyr m.m.

6. Minstesum for tildeling er som hovudregel kr 5000 og kan normalt ikkje vere meir enn 50% av kostnaden med tiltaket.

Desse prinsippa for tildeling er retningsgjevande og kan fråvikast. Styret i fondet kan også endre desse etter som søknadsmengda utviklar seg framover.

Med helsing

for NORSK FOLKEHØGSKOLELAG

Mai-Evy Bakken                Dag Wollebæk

liar                                    dagleg leiar